جوري من بستان | فارسه |

[فارسه]

يالبى أسيل بس ..

ياحبني لـ هالاسم

احب الإسم بس

[فارسه]

صار لي 10 ايام ماسمعت نبض قلبها

واليوم اول يوم بطلع فيه لدوامي من غير ما اسمع صوتها وهي تدعي لي


احس ان الي قاعد يصير حلم

[فارسه]

من فترة كنت اتكلم مع وحدة وكانت تكلمني عن علم الجفر..

وبحثت عنه في المكتبات ماحصلته الا في مكتبة حكومية .. كان عبارة عن مخطوطه مكتوبة بخط اليد..

وعشان اشوفها بس لازم اجيب تصريح وما ادري شو ..

دورت في النت فيه نسخ كثيرة وما اعرف اي وحدة اصلية..

خاطري اقراه .. يقولون صعب ومب اي حد يقدر يقراه لانه يعتمد على التحليل

[فارسه]

صباح الخير >> للقراء طبعا او بالاحرى الزوار ..

اذا دخلت المنتدى وكانت الجاسوسة جالسة جنبي ..

اتفاخر قدامها بعدد الزوار الي يدخلون جوري من بستاني .. والي بعد يسيرون على ملفي الشخصي ..

واقول لها شوفي اشقد انا مهمه..

طبعا ردها الدائم لي ..

تقول: مالت عليك لا مهمه ولا شي .. ناس تدخل من باب الفضول .. على بالهم عندك سالفه

___________________________________________

آخر شي كتبته هني كان عن الجفر

امممممممممم مرة كنت جالسة على النت ادور عن علم الجفر .. ووقت ماكنت أبحث كان التلفزيون على قناة المختلف وكان فيه شيخ يتكلم .. بس ما عرف من هو الشيخ .. المهم كان يقول .. وهناك مايقولون عنه علم الجفر .. انا سمعت الجفر وعليت على الصوت ..

الي فهمته انا من كلام الشيخ ان الجفر يتكلمون عنه فئتين ..

الفئة الاولى : تقول ان هالكتاب يحمل جميع الاحداث الي راح تصير للانسان من بداية حياته الى قيام الساعه..

الفئة الثانية : تقول ان هالكتاب يتكلم عن الاحداث الي راح تصير لآل البيت بس .. والي كتبه هو علي بن ابي طالب ..

المهم الشيخ قال ان هالكتاب أصلا مو صحيح وان الشيعه هم بس الي يتكلمون بـ هالكتاب ..

وان هالكتاب ماله سند أصلا..

انا الصراحه أكثر شي أقنعني بعدم صحة هالكتاب كلام الشيخ يوم قال ماله سند .. او سنده غير معروفين..

فكتاب ماله سند .. أكيد مب صحيح وخاصة لو كان علي بن ابي طالب كتبه..


_____________________________

المهم من اليوم الثاني في الدوام .. الحرمة الي خبرتني عن علم الجفر طلعت شيعية ..

كانت تتهاوش مع وحده ثانية بالغرفه الي قدامي .. والحرمة الثانية كانت تسب فيها .. تقول لها انتي اصلا شيعية ماتخافين الله .. وعارفه انك بتروحين النار .. شو بنتظر منك يعني .. انا تفاجأت الصراحة .. هالحرمة كنت اسولف وياها دوم .. شو اطلعت شيعية ..

صرت اخاف اخذ من عندها كتب .. او اتكلم معاها وايد .. بس كلمة ورد غطاها ..

ماعرف ليش .. احس خفت منها ..

من كم يوم جابت لي كتاب عن الفراسة .. قلت لها لا لا مابي قريت هالكتاب من قبل .. وانا ماعمري قريته ..

بس فيه شغلة ضايقتني حيل ..

اولا كلام الحرمة الي كانت تهاوشها وتسب فيها .. احس لو كلمتها باللين احسن بكثير ..

بالعكس ديننا دائما يامر بالرفق واللين .. واصلا يمكن تقدر تغير ها ..

ثانيا انا بعد احس اني ابتعدت عنها .. وماحاولت اغير فيها .. يمكن كلمه لو تعامل طيب وحلو يخليها تتغير .. بس ما عرف ليش مب قادرة ارجع معاها مثل قبل ..

[مهرة السلطان]

فارسه

I miss u Dear

قريت حروفج وابا اعلق بس ماعرف شو اقول ..مب ماعرف يعني يعني ..

هالانسانه كنتي تتعاملين وياها عادي تاخذين وتعطين معاها لكن من عرفتي انها شيعية حسيتي بشي يمنعج عنها وقمتي تبتعدين عنها ,,اوكي ما بقولج غلط اللي سويتيه ولا صح لان تعرفين كل شخص واللي يريحه ..

واحس انج بتردين تكلمينها فحدود العمل والزمالة فقط لانج طيبة

[فارسه]

ياهلا ويامرحبا ..

يالله حيها ..

وانا بعد يالغالية اشتقت لك حيل